نەرمامێری تایپی ئاخاوتن (گۆڕینی ئاخاوتن بۆ نووسراوە)ی زمانی کوردی

ناساندنی پڕۆژە 
مەبەست لە ئەنجامدانی ئەم پڕۆژە، توێژینەوە و پەرەدانە لە بواری داڕشتن و جێبەجێ کردنی سیستەمێکی ناسینەوەی ئۆتۆماتیکیی ئاخاوتن (Automatic Speech Recognition) بۆ زمانی کوردی (سۆرانی) کە سەرەکیترین دەرەنجامەکەی نەرمامێرێکی تایپی ئاخاوتنە بۆ ئەم زمانە. بە داڕشتنی ئەم نەرمامێرە، بەکارهێنەران دەتوانن قسە بکەن و نەرمامێرەکە بە شێوەی ئۆتۆماتیک تایپی دەکات.
لەگەڵ زیادبوونی بەردەوامی بەکارهێنانی کۆمپیوتەرەکان لە بوارەکانی تاکەکەسی و ئیداریدا، بەکارهێنانی تایپی کۆمپیوتەری لە پێدانی زانیاری و بەرهەمهێنانی بەڵگەنامەی ئەلەکترۆنیکی بووەتە باسێکی هەنووکەیی. بەڵام یەکێک لە سەرەکیترین کێشەکانی بەکارهێنەران، نەبوونی شارەزاییە لە تایپ کردندا. لە ڕێگەی نەرمامێرەکانی تایپی ئاخاوتن، تەنیا پێویستە دەقەکە بخوێنیتەوە و ئاخاوتنەکەت لە ڕێگەی مایکرۆفۆنەوە بە کۆمپیووتەرەکەت بدەیت تاوەکوو ئاخاوتنەکە کاری پڕاسێسی لەسەر ئەنجام بدرێت و ببێت بە دەق. ئەم تەکنۆلۆژییە جگە لە سادە و ساکارکردنەوەی کاری تایپ، کاتێکی زۆریش (بە تایبەت بۆ بەڕێوەبەران و کارناسان) دەگێڕێتەوە ئەمەش واتە کەمکردنەوەی تێچوو.
تەمەنی ئەم تەکنۆلۆژییە دەگەڕێتەوە بۆ نزیکەی ٧٠ ساڵ لەمەوبەر و تا ئێستا بۆ زمانە جیاجیاکان وەک ئینگلیزی و عەرەبی و فارسی خراوەتە بواری جێبەجێکردنەوە و ئەمڕۆ لە زۆربەی بەکاربەرییەکانی تایپی دەقدا، کەڵکی لێ وەردەگیرێت. بەڵام تا ئێستا بۆ زمانی کوردی جێبەجێ نەکراوە.

ئامانجی ئەم پڕۆژەیە، بەرهەمهێنان و پەرەدانی نەرمامێرێکی تایپی ئاخاوتنە بۆ زمانی کوردی (سۆرانی)

قازانجەکانی پڕۆژەکە:

١-کەسی نابینا ئەتوانێت لەرێی ئەم نەرمەئامێرە(ئەپلیکەیشنە) پەیامی نوسین بنوسێت.
٢-بۆ کەسی نوسەر ئەتوانێت بەبێ بەکار هێنانی کیبۆرد تەنها قسە بکات و قسەکانی ببێتە نوسین.
٣-بۆ ئەو کەسانەی کە کۆمەڵە وتاریکی دەنگیان هەیە ئەیانەویت بیکەنە کتێب بە شیوەیەکی زۆر ئاسان و خێرا.
زمانی کوردی گرنگترین بەشی کلتووریی کوردانە و پەرەدانی نەرمامێری تایپی ئاخاوتنی کوردی دەبێتە هۆی بەهێزکردنی نووسین بە زمانی کوردی لە دنیای مەجازیدا و لە بەرامبەر هێرشەکانی بەردەمیدا دەیپارێزێت. جگە لەو بابەتەی سەرەوە، دەستڕاگەیشتن بە تەکنۆلۆژیی ئاستبەرزی ژیریی دەستکردی   (Artificial Intelligence) 
ناسینەوەی ئاخاوتن زۆر قازانجی دیکەشی هەن

عبدالهادی عباس عبداللە  مۆبایل: 07823703184 ئیمێڵ: [email protected]